martes, 27 de decembro de 2011

FICHA DE LECTURA


CLUBE DE LECTURA

O martes, 20 de decembro recibimos unha visita moi especial: A do clube de Lectura do IES Losada Diéguez.
O profesor que os dirixe -Eladio Anxo- estivo con nós hai unhas semanas e ofertounos a visita.
Todos nos puxemos moi contentos porque os seus compoñentes son ex_alumnos e ex_alumnas do centro.
Hoxe viñeron e descubrimos que son uns excelentes contacontos.
Agasallaron aos nenos e nenas de tres, catro e de 2ºB cuns contos preciosos.
Dende aquí dámoslles outra vez as GRAZAS e decímoslles que xa estamos contando os días que faltan para volver a velos por aquí.







luns, 26 de decembro de 2011

EXPOSICIÓN NA BIBLIOTECA

Exposición na Biblioteca “Na túa carta de Reis… un libro tamén.” Os alumnos e alumnas do centro visitaron a mostra de libros que as librerías de A Estrada nos deixaron en empréstito durante a semana do 12 ao 16 de decembro. Moitos dos nenos tomaron notas para estar seguros de que os Reis lles traen os que queren. Varias familias achegáronse pola tarde para visitala. GRAZAS de novo a Alberte Quiñoi, Durán, Faro, Lolimay e Marxe.
Esperamos no futuro contar coa súa colaboración de novo.












domingo, 11 de decembro de 2011

"NA TÚA CARTA DE REIS... UN LIBRO TAMÉN!".

"Na túa carta de Reis...un libro tamén!"
Esta semana a nosa biblioteca está chea de libros e novidades para que poidades velos e decidir cales lle queredes pedir aos Reis Magos. Todos os nenos e nenas do cole a visitarán cos seus profesores e tamén estará aberta pola tarde para que a poidades vir ver coas vosas familias. Dende aquí agradecemos ás librerías da nosa vila - Alberte Quiñoi, Durán, Faro, Lolimay e Marxe- a súa colaboración. GRAZAS!