Entramos no entroido!!!

 Na semana do 9 ao 13 de febreiro celebramos no cole a festa do ENTROIDO.

  

O Xeneraliño do Ulla xa ten preparados os seus MANDADOS para facer que todas e todos acabemos convertidos en AUTÉNTICAS LABREGAS.

El tamén se esmerou moito e mudou o sable polo sacho e as plumas do sombreiro por un ramo de verduras exquisitas.

Para dar conta de cada día contamos co seguinte cartel:

  FELIZ ENTROIDO PARA TODAS E TODOS!!!  

INTELIXENCIA EMOCIONAL E ARTIFICIAL ÚNENSE PARA DAR LUGAR A ALGO ÚNICO

A ardua tarefa de atopar música que puidésemos empregar como fondo musical dos hologramas creados para a actividade iniciada con motivo do Día Mundial da Concienciación sobre o Autismo, levounos a recorrer á intelixencia artificial, concretamente a Suno.com, unha plataforma en liña que emprega a IA para xerar cancións, para acadar o noso obxectivo.

Deste modo, a partir da adaptación dos poemas “I am add” (Son raro), de Benjamin Giroux, e “Empatía” (Grito Autista), escrito por Julieta Ax, xurdiu unha canción, á que titulamos "Son raro, son novo", que foi empregada  nos vídeos dos cursos de 1º e 2º de Educación Primaria.

 

Mais... por que non poñer ritmo e melodía aos sentimentos e percepcións dalgún dos nosos alumnos? Dunha intensa charla cun deles, Quique, de 3º de Educación Primaria, naceu a letra da que, sen lugar a dúbidas, se convertiu na banda sonora da actividade, empregándose nunha alta porcentaxe dos hologramas creados... Algo do que sentirse orgulloso!

Quique, 3º de EP

Letra e QR da canción creada polo alumno

(pincha sobre a imaxe para vela ao detalle).

BAILAMOS XUNTOS, CON DIFERENTES RITMOS

O pasado 2 de abril celebrouse, como cada ano, o Día Mundial da Concienciación sobre o Autismo e desde o noso centro quixemos unirnos á campaña promovida por Autismo España, "Somos infinitos". Dita campaña tiña como obxectivo principal concienciar á cidadanía da variabilidade do espectro do autismo, defendendo que cada persoa autista é única, ten as súas propias necesidades, capacidades e intereses e, por isto, precisa apoios especializados e individualizados, adaptados á súa situación e á etapa vital na que se atope.

Baixo o lema "Bailamos xuntos, con diferentes ritmos", estreitamente relacionado coa temática do noso PDI deste curso, "Escola de Baile", desenvolveuse unha bonita actividade da que se fixo partícipe á totalidade do alumnado do centro, desde 4º de Educación Infantil ata 6º de Primaria.

Tras acercalos a algunhas das características que adoitan acompañar ao TEA (Trastorno do Espectro Autista), así como á diversidade e amplitude do espectro por medio de diferentes iniciativas (dinámicas realizadas nas titorías, proxección de curtas sobre esta temática durante os períodos de recreo no salón de actos...), entregouse a cada titor/titora a infografía incluída a continuación, na que se refería o procedemento a seguir (pincha sobre ela para vela ao detalle).

O colofón da actividade consistiu en elaborar con todas e cada unha das pezas (tanto as que inclúen o "autopictograma bailongo" como as dos códigos QR que enlazan aos diferentes vídeos) tres vistosos quebracabezas (un para Educación Infantil; outro para 1º, 2º e 3º de Educación Primaria; e un máis para 4º, 5º e 6º de Primaria) que foron colocados nun lugar privilexiado do centro que aínda estaba por explorar: o "hall" exterior do cole.

Tres coloridos murais, cargados de simboloxía, que constitúen unha fermosa maneira de dar a benvida ao noso centro, verdade?

O inicio do visionado dos diferentes hologramas fíxose coincidir, ademais, coa celebración do Día da Danza a cal, por mor do apagón xeral, tivo que ser adiada do 29 ao 30 de abril.

A través da imaxe incluída a continuación (ben pinchando sobre ela, ben a través da lectura do código QR) podedes acceder á lista de reprodución da actividade no noso canle de youtube.

Incluímos o enlace a unha plantilla de holograma por se vos animades a facelo na casa e así poder desfrutar dos vídeos en todo o seu esplendor. Con acetato, tesoiras e pouco máis, xa estaría.

CICLO DE CURTAS: Día Internacional do autismo

 Estas son as propostas que se programan para as diferentes idades do noso alumnado:

Para EDUCACIÓN INFANTIL

    

 

Para 1º CICLO de PRIMARIA

Para 2º CICLO de PRIMARIA

  

Para 3º CICLO de PRIMARIA

   

2 de ABRIL: DÍA INTERNACIONAL DO AUTISMO

Este curso imos prestar especial atención á 

CONMEMORACIÓN DO

DÍA INTERNACIONAL DO AUTISMO

Imos máis alá do 2 de abril e adicaremos toda a semana a esta celebración. 

Aquí quedan algunhas das propostas que se van realizar:

- Presentación dixital sobre o AUTISMO. Hai que coñecelo para comprendelo.

- Infografía coas instrucións do traballo a realizar de xeito colectivo por todo o cole.

- PUZZLE COLECTIVO para expoñer nun lugar ben visible do cole.

- CICLO DE CURTAS nos recreos.

- Recomendacións LECTORAS sobre a temática do autismo.

Día de Rosalía. Febreiro 2025

 As nenas e nenos de 5º B de Infantil fan a súa particular homenaxe, poñendo guapísima a Rosalía

Ciclo de curtas: SEMANA DA PAZ

 

CICLO DE CURTAS: Día dos Dereitos Humanos

 Na 10ª semana de curso, Ainara a voluntaria de 6ºB, é a encargada de programar o ciclo de curtas para celebrar o DÍA DOS DEREITOS HUMANOS.

Esta é a escolla que nos trae Ainara:

8 marzo - DÍA DA MULLER

 As clases de 3º de primaria traballaron para conmemorar esta data sobre

MULLERES E DEPORTE

Fixeron 2 murais con debuxos personalizados

     

.