GOALBALL, deporte paralímpico

  

        

As clases de 3º xogando a GOALBALL no patio cuberto

QUEREN SABER: Que son os Xogos Paralímpicos? en 4º B de Infantil

 

Captura do holograma creado con parte do vídeo que dá resposta á actividade "Carola e Lingüereta queren saber", Que son os Xogos Paralímpicos?, no que se pode ver ao alumnado interactuando cunha pelota de Goalballl, único deporte paralímpico creado espacificamente para persoas cegas e con discapacidade visual.

XOGOS TRADICIONAIS no patio

No noso centro, nas horas de recreo, o deporte rei continúa a ser, sen lugar a dúbidas, o fútbol, condicionando, en gran medida, as interaccións neste tempo de lecer entre o noso alumnado. O curso pasado quedaron claramente delimitados os espazos de xogo, evitando que todo o patio seguise funcionando como un gran estadio, e acordouse establecer un día sen fútbol, posibilitando que todo aquel/a que desexase xogar a outros deportes, como por exemplo o baloncesto, contase cun campo libre onde poder facelo. Observamos que son os nenos, de maneira maioritaria, os que xogan a este tipo de deportes, ocupando as nenas un papel totalmente secundario. 

Esa é unha das razóns que nos impulsa a habilitar un día á semana o patio central (no que non hai fútbol ningún día) para promocionar diferentes xogos tradicionais orientados tanto a nenos como a nenas, creando, así, un espazo libre da fenda de xénero: corda, construción con elementos naturais, goma, mariola.... 

Dirixiremos os nosos esforzos a conseguir que dito espazo acabe sendo xestionado polo propio alumnado.

 

Como estaba previsto, realizáronse sesións de xogos tradicionais no patio do cole.

Nas seguintes fotos podemos ver xogando ao alumnado de 3º de primaria:

Tamén xogaron con xoguetes tradicionais, coma os carozos ou "ás casiñas".

E cando o tempo non acompaña, sempre está o pavillón:

Novo recanto do VOLUNTARIADO: creando para tod@s

O noso voluntariado é imparable. Cando organizan os obradoiros sempre procuran que permitan finalizar produtos que levar para uso persoal.

Este ano acordamos facer para outr@s. A proposta saeu do Equipo de Biblio e o voluntariado respondeu, como xa nos ten acostumadas.

Dende as clases de Infantil e PT, sobre todo, chegaron as demandas de recursos específicos que precisaban. 

O resultado? a continuación queda unha mostra:

Isto xa é un non parar.

CALENDARIO OLÍMPICO

Este Nadal agasallamos ás familias cun calendario que tamén resultou ser un agasallo para o cole.

Quen nos fixo o agasallo? Javicho, o noso flamante futbolista! Acodiu ao noso centro cun dron para inmortalizar os NOSOS AROS OLÍMPICOS.

Esta foto foi posible grazas á colaboración das familias que responderon á nosa demanda proporcionando aos seus fillos e fillas a roupa da cor solicitada. Así conseguimos crear 5 grupos de cores ben famosas: as cores dos aros olímpicos.

Chegar a esta instatánea foi un proceso ben chulo. Imos ver como se fixo:

Recibimos a visita de ABECONSA BASKETMI

O 3 de decembro é o DÍA INTERNACIONAL DAS PERSOAS CON DISCAPACIDADE. Unha data relevante no noso centro.

Tendo en conta que este ano é olímpico, achegarnos ao deporte para TOD@S é inevitable.

A DISCAPACIDADE NO DEPORTE. 

Contactaremos con diferentes organizacións co fin de dar visibilidade ao papel das persoas con discapacidade no deporte entre o noso alumnado.

QUEN NOS VISITOU?  ABECONSA BASKETMI

Entidade, sen ánimo de lucro, que fomenta a práctica deportiva entre persoas con discapacidade que, a día de hoxe, ten como eixe principal o baloncesto en cadeira de rodas.

Dende o centro agasallamos aos nosos convidados cos seguintes carteis:

MOITÍSIMAS GRAZAS POR ENSINARNOS TANTO E

PERMITIR QUE DESFRUTARAMOS CON VÓS