CAROLA..., SEMPRE CAROLA

CAROLA..., SEMPRE CAROLA

mércores, 26 de setembro de 2018

UN COLE QUE ARRECENDE A MAR!!!

Este curso, cando chegamos ao cole de Figueiroa atopamos unha sorpresa!!

Non estaba claro se o mar estaba no noso colexio ou que o colexio estaba no mar...

1ª sorpresa: o camiño da entrada ao cole estaba cuberto



Nesa pérgola penduraban bandeiriñas moi mariñeiras
No xardín, que semellaba un mar verde, repousaba unha barca

Onda a barca había un faro, da barca colgaba unha rede
A entrada estaba cuberta dun ceo de redes

No centro presidía un enorme faro, que alumeaba!!!




Unha balea enorme gardaba dentro o corredor de Infantil



A crón da balea, un mar rebosante de barcos. E en cada barco todas as nenas e nenos de cada clase.

Cestas, boias e redes por todas partes
Unha sera e un sereo, non perden detalle de todo o que acontece
E un polbo quedou atrapado na porta do almacén





Con este faro vai ser difícil perder o rumbo

NOVO CURSO, NOVO PROXECTO



Ola amiguiñas e amiguiños! Canto tempo sen vervos... eh? Moito vos botei de menos! Claro, tardastes tanto! Menos mal que estando na biblioteca, nunca me faltou un libro para ler!



- Estaremos alucinando?
Eu pensaba nas vosas vacacións, en como o estariades pasando na praia, refrescándovos coa auguiña do mar... E dicíallo tamén á miña amiga Lingüereta, que tampouco para de darlle á lingua... Hum! Canto me gustaría poñer un bañador de galiña, que seguro que os hai, e darme un chapuzón ou unha volta nunha barquiña azul e branca, entre os reflexos das ondas que veñen e van... e nós as dúas, que sei que a ela tamén lle gusta mollarse cando da lingua galega se trata. O caso é que un día que cambiei de sitio para que limparan o po, crin que estaba tendo unha alucinación: vin unha barca no medio do xardín do cole! 



Chamei á miña compañeira porque pensei que o calor do verán me fixera ver cousas que non existían e ela VIU O MESMO! Era certo, pois as dúas non podiamos ter o sentido alterado!


 
Con moito traballiño abrimos a porta da entrada e conseguimos achegarnos ata alí. Que bonitiña era e tiña unha rede e todo! Asexamos para adentro e achamos un libriño que poñía CADERNO DE BITÁCORA e no seu interior un sobre que dicía:





Queridas Carola e Lingüereta, tanto pensastes no mar durante o verán que vos deixo aquí dous elementos imprescindibles para comezar a navegar neste curso: unha barca e un caderno de bitácora para que vaiades anotando tódalas vosas aventuras mariñeiras. Que teñades unha boa singladura.

Asinado: ....?

Quedamos abraiadas! Que ben! Seguro que nesta viaxe imos atopar moitas cousas interesantes: dende coñecer o mar propiamente dito á vida da xente que traballa nel, ata pensar que nos asusta del ou o seu papel no desenvolvemento da humanidade; iso si, sempre que non se atasque o noso barco a causa da contaminación do fondo e da superficie mariña.

No caderno de bitácora iremos deixando constancia das actividades que levaremos a cabo durante a nosa viaxe e que nos permitirán descubrir un mundo novo inmenso e descoñecido que está agardando polas mariñeiras e mariñeiros de Figueiroa.

Nós as dúas, Lingüereta e Carola estamos desexando comezar a navegar polas augas do curso 2018-19 cun mar de cousas interesantes.


Comeza   AMAROMAR


Por certo, quen asinaría a carta?
Quen nos deixou os agasallos? 

 
 

martes, 19 de xuño de 2018

A MÚSICA NA MIÑA VIDA. The Cats

Uxía e Noa de 6º A de primaria, subena o escenario e a pesares de ser a ultimísima actuación deste curso, foron quen de innovar.
Cantaron e a súa voz sonou por riba da canción de Morat e Juanes "Besos en guerra".
Que gusto escoitalas e comprobar que hai tan "bo rollo".
Moitas grazas e parabens!!!




sábado, 16 de xuño de 2018

A MÚSICA NA MIÑA VIDA. As Duras


"Dura" é o títula da canción de Daddy Yanquee que dá nome a este trío de nenas "AS DURAS". O que parecía ser a derradeira actuación do Recanto da MÚSICA NA MIÑA VIDA (parecía pero non...) ocupou o salón cun forte ritmo e moitas ganas. Actuación moi intensa. Duros Parabens!!






A MÚSICA NA MIÑA VIDA. As Únicas


Queda máis que demostrado que a música é moi importante na vida de Jenny. Neste caso repiteu cunha mini-pandi fantástica formada por nenas de 1º e 2º. A tremenda sintonía e bó rollo que hai entre as ÚNICAS, quedou de manifesto nesta interpretación de "La cintura" de Álvaro Soler.






A MÚSICA NA MIÑA VIDA. Súper Estrelas


Lara, Adelaida e Noa, veteranas xa do escenario da Música na miña vida, bailan hoxe con Lía, Noa e Lola. 3 nenas de 4º B con 3 nenas de 1º C. "Échame la culpa" de Luis Fonsi e Demi Lovato sirve de base para unha coreografía de baile e acrobacias.




xoves, 7 de xuño de 2018

MOSTRA DE TEATRO "Olimpio Arca Caldas"



Por un despiste imperdonable non fixemos entrada no blog deste evento no seu momento. Antes de que remate o curso queremos correxer este erro.



Na II Mostra de Teatro "Olimpio Arca Caldas" organizada pola A.C. Vagalumes, o noso cole tivo unha colaboración moi especial, artellada dende o Equipo de Dinamización Lingüística, onde Carmen e Lingüereta traballan arreo. A Biblio de Carola colaborou encantada con esa iniciativa e non podemos deixar escapar este curso sen darlle a difusión que se merece.









Aquí queda o vídeo realizado pola A.C. Vagalumes sobre a intervención do CEIP de Figueiroa



Unha mostra de momentos da nosa intervención:








O fío condutor desta montaxe foi unha imaxe tan evocadora coma esta:

mércores, 6 de xuño de 2018

A MÚSICA NA MIÑA VIDA. Súper dezaoito



O grupo de 5º A case ao completo, ofrece unha coreografía acompañada de "Friends".

Dá xenio velos a todas e todos!!




martes, 5 de xuño de 2018

A MÚSICA NA MIÑA VIDA. Os cracks


Antía e Xián, unha parella peculiar que ocupa o salón para ofrecer unha mostra de coreografía e acrobacias, medio en broma, medio en serio.
Foron quen de errar para provocar o riso do público, e quen de obter o aplauso espontáneo cando ofrecían exercicios ben realizados. Unha actuación con moito feedback, moi interactiva. Parabens Cracks!!








A MÚSICA NA MIÑA VIDA. Sete estrelas



Aínda que nun principio se anunciaran coma 8 Estrelas, o día da actuación apareceron 7. Que bo xogo de palabras podía da SETE ESTRELAS, SE TE ESTRELAS....


En fin, de novo as nenas de 3º A presentan outro espectáculo (e non será o derradeiro!).


Coa canción "Girasoles" de Rozalén, admiramos coreografías e acrobacias!!!





luns, 4 de xuño de 2018

Xa se pode ver o vídeo de SÚPER 10

Desculpade pero na biblio non nos decatamos que non se vía o vídeo,

Para que non volva pasar, que tal se avisades a alguén do Equipo da biblioteca para que o arranxe?

Graciñas a Gloria, que deixou o aviso nun comentario (aínda que tardamos
en velo...)

domingo, 3 de xuño de 2018

A MÚSICA NA MIÑA VIDA. As Invisibles



O tema de Malú "Invisible" dá nome a estre trío de nenas de 3º A, Carolina, Carla e Antía, que se fan chamar AS INVISIBLES.

A pesares da presentación de Sarela onde anunciaba que non amos ver nada porque son insivibles, si que vimos moito. Vimos unha coreografía preciosa que amosaba, sobre todo, a tres amigas.

Moitas grazas.




A MÚSICA NA MIÑA VIDA. As dúas bailarinas



Dúas bailarinas, dúas irmás, Lara e Lía de 4º e 1º de primaria, ocupan o salón de actos cun feixe de coreografías que nos abraiaron.

Que despregue de sincronización e empatía.

Noraboa bailarinas!!




A MÚSICA NA MIÑA VIDA. As dúas incribles



Unha nova demostración de ximnasia artística. Son dúas nenas de 3º A de primaria, Antía e Nerea. De novo a canción de "Lo malo" de Ana e Aitana Guerra, que a pesares de escoitala xa moitas veces, non deixan de sorprendernos cada unha das interpretacións que fai o noso alumnado.
Parabens e moitas grazas Nerea e Antía.






venres, 25 de maio de 2018

A MÚSICA NA MIÑA VIDA. As do corazón


Jenny sube por terceira vez ao escenario, esta vez acompañando a un grupiño de 1º e 2º de primaria. A actuación comeza, como non podía ser doutra forma, cun pequeno rap interpretado por Jenny.

A canción "Late mi corazón" de GIVE ME 5 poucas veces debeu ser tan, tan aplaudida!!!

Que gustiño ver idades tan distintas mesturadas e funcionando tan ben.



A MÚSICA NA MIÑA VIDA. Súper MALAS

Ainara e Sara de 5º B xunto con Noelia de 5º A de primaria, ofrecen unha nova versión de "Lo malo" de Ana e Aitana.







A MÚSICA NA MIÑA VIDA. Súper 10 de 5º A de primaria

Grupo numeroso de mozas que prepararon e amosaron unha coreografía sobre o tema "Havana" de Camila Cabello. A gran afluencia de público segue a ser unha marabilla!!







mércores, 16 de maio de 2018

A MÚSICA NA MIÑA VIDA. As 2 artistas.

Sonia e Adelaida, Adelaida e Sonia volven ao escenario, esta vez en parella para facer un baile xeitoso a ritmo de "These days" de Rudimental.




Remata así a terceira actuación do 15 de maio de 2018


A MÚSICA NA MIÑA VIDA. Súper 5


Un grupiño de 5 nenas e un neno, dos cursos de 1º e 3º A ofrecen unha coreografía (ou dúas?) coa canción "1, 2, 3" de Sofía Reyes.

Quedan inauguradas as actuacións interniveis!! Isto cada vez vai a máis.

Mágoa que os días están rematando e con eles, as actuacións..., e o curso!!




A MÚSICA NA MIÑA VIDA. Estrelas de 3º B de primaria


O grupo ESTRELAS DE 3º B de primaria presentan a súa coreografía nunha mañá cargada de actuacións.

Superados os nervios do principio semella que a canción non lles durou nadiña!!!




luns, 14 de maio de 2018

A MÚSICA NA MIÑA VIDA. Jenny RAP de produción propia

Jenny volveu subir ao noso escenario para ofrecernos unha composición propia. Ela compuxo esta canción para a súa mellor amiga. Os momentos de emoción foron intensos, moi intensos. Pero non foi quen de deixar indiferente a ninguén.

Parabens Jenny!!





xoves, 10 de maio de 2018

A MÚSICA NA MIÑA VIDA. Superstars de 4º B


Unha nova versión de "Bajo el mismo sol" de Álvaro Soler é o que nos ofrecen este grupiño de 4º B de primaria.

Nesta ocasión volven ceder o escenario para o público e dispoñer así de máis espazo para a súa coreografía.




luns, 7 de maio de 2018

A MÚSICA NA MIÑA VIDA. Ángel de 1º C está "Bajo el mismo sol"

Ángel, de 1º C, atrévese a subir en solitario ao escenario a cantar, pero sobre todo, a bailar "Bajo el mismo sol" de Álvaro Soler.




O público, totalmente entregado.

A MÚSICA NA MIÑA VIDA. Zimbolé de 4º A


Toda a clase amósanos unha canción popular africana.

Por fin!! chegan os instrumentos ao escenario da MÚSICA NA MIÑA VIDA.

Parabens grupo!!




A MÚSICA NA MIÑA VIDA. Los vampiros

Un grupo de mozas e mozos de 3º B de primaria prepararon e amosaron unha coreografía coa música de Rihanna "Diamonds".




O resultado queda neste vídeo:




luns, 23 de abril de 2018

A MÚSICA NA MIÑA VIDA. "As Maruxas"

Unha nova semana de "A música na miña vida" dá comezo con esta actuación.

Co nome das MARUXAS, 4 mozas de 6º B de primaria encheron o salón para ofrecer a súa coreografía, a ritmo moi "Personal"

Rachando "normas", concedéronlle a honra ao público de ocupar o escenario.




xoves, 19 de abril de 2018

A MÚSICA NA MIÑA VIDA. Manuel María e Luis Emilio Batallán por 2ºA de primaria



As nenas e os nenos de 2º A prepararon, xunto coa súa profe Helena a canción que Luis Emilio Batallán fixo a partir dun poema de Manuel María: O MEU BURRO TROTÓN.



mércores, 18 de abril de 2018

A LINGUA NON PARA. Concurso de Vídeo do Correlingua 2018

O vídeo creado polo Equipo de Dinamización Lingüiística do CEIP de Figueiroa, para participar no concurso do CORRELINGUA.

Así é como queremos manifestar que


A LINGUA NON PARA

martes, 17 de abril de 2018

A MÚSICA NA MIÑA VIDA: Jenny rapeando


Parecía que toda a vida estivera rapeando. Jenny agardou nerviosa a que chegara o momento e case sen dar as 12, cando Lara a presentou, empezou co seu rap. Fíxose un silencio total que desapareceu ao rematar e estoupar nunha grande ovación.




mércores, 11 de abril de 2018

A MÚSICA NA MIÑA VIDA: As 5 Fantásticas

Este grupo de 5 nenas de 4º B de primaria do CEIP de Figueiroa ofreceron unha exhibición de ACROSPORT.

Aínda sendo só a segunda actuación, a acollida do público foi moi boa.


Parabens Fantásticas!!!!

martes, 10 de abril de 2018

A MÚSICA NA MIÑA VIDA. Gabriel PANDERETEIRO

Co inicio do 3º trimestre arrinca o recanto da

MÚSICA NA MIÑA VIDA

Durante os recreos dos luns e martes poderemos comprobar que presenza ten a música nas nosas vidas. Calquera persoa interesada pode amosar "como vive a música". Poden ser actuacións individuais ou de grupo, con instrumentos ou con música gravada....


Para pdoer participar tan só hai que decidilo e publicitarse. A Biblio de Carola facilita o modelo de cartel que haberá que cubrir para que todo o colexio saiba das actuacións previstas. Asimesmo colocaráse un pequeno cartaz no calendario que está ubicado no corredor da secretaría.

Cando están feitos os cartaces e escollido o día da actuación, tan só queda agardar a ter tan boa acollida como a persoa que inaugurou o noso recanto:

GABRIEL de 4º B amosou a súa destreza coa pandeireta. As súas compañeiras e compañeiros acompañárono con moito entusiasmo durante toda a actuación.


Se non o credes, aquí poderédelo comprobar...