Como ven sendo costume, no Proxecto Documental Integrado de cada ano, adicamos un espazo concreto para a TOPONIMIA.
Neste caso imos prestar atencións aos LUGARES onde se miraba pola nosa saúde, aínda que non sempre houbera estudados da medicina.
Eran sitios onde había persoas de recoñecido prestixio que nos axudaban en pequenos problemas de saúde.
Menciñeir@s, compostoras,...
Para anunciar esta actividade chegará ás casas unha nota como a que se atopa á dereita. No fondo hai uns SINALADORES que serán os que hai que cubrir, recortar e colocar no mapa da entrada do cole, se sabemos de alguén que curaba e o nome do sitio onde vivía.
Este traballo de toponimia é para recoller o nome dos lugares. Pero se tendes información sobre as persoas que estamos a traballar, non dubidedes máis e a COMPARTIR!!!
Todo sexa por coñecer mellor aos nosos veciños e veciñas.
Pregunta, indaga, investiga... fai un pequeno traballo sobre esa persoa que "curaba" e envíao ao correo da biblio
bibliodecarola@gmail.com
RESULTADO DESTA ACTIVIDADE:
 |
| Mapa do concello da Estrada onde sinalamos |
As parroquias máis nomeadas foron:
TABEIRÓS
e
PARDEMARÍN
A "gañadora" absoluta foi a "Corva de Pardemarín", a señora Carmen.
E moitas grazas ás familias que aportaron pequenos traballos de investigación sobre Carmen Montoiro, algunhas con ilustracións: debuxos, fotos...
