xoves, 27 de xuño de 2019

FESTA DE DESPEDIDA DO VOLUNTARIADO DA BIBLIO DE CAROLA

Cando remata o curso 18/19, tamén remata o tempo de colaboración de moitas nenas e nenos na nosa Biblio. Son a xentiña de 6º que vai emprender novos roteiros e novas aventuras.

Foi un grupo moi numeroso, con participación de 5º e 6º como é habitual, pero xa houbo alguén de 4º que, por insistentes, conseguiron formar parte do noso voluntariado.

Non todas e todos estiveron todo o tempo e non coa mesma forza, pero queremos agradecer a cada unha destas persoas a sñua adicación e responsabilidade. Souberon formar parte dun equipo e traballar de xeito conxunto. O gran éxito que supón a biblio nos recreos, non sería tal sen a súa colaboración.

Pero dun xeito moi especial queremos agradecer a voluntarios e voluntarias que estiveron dende o inicio, mantendo a súa forza e ánimo e contaxiando a todos.

MOITAS GRAZAS, DE CORAZÓN!




mércores, 26 de xuño de 2019

Radio Carola. POR FIN!!!!

Levamos coa radio a voltas todo este curso e parte do anterior. Prácticamento todas e todos pasamos polo espazo físico de RADIO CAROLA. Pero houbo que agardar ata ter rematado o curso para contar por fin, co espazo dixital da nosa radio.

Se picades na imaxe de Radio Carola que está situada na columna da dereita neste blog, poderedes achegarvos a case todos os audios creados.

Están agrupados según a temática que abordan, no que denominamos PROGRAMAS. Polo momento estes son:



    MOITO CONTO. Relatos, poesía, contos, historias que nos gustan e queremos compartir...

Aquí poderemos atopar as gravacións de:






  • "DÍA DE ROSALÍA". Poema de Rosalía de Castro gravado por alumnado de Infantil
  • "A LONGA VIAXE". Adaptación e versión do conto do mesmo título editado por Kalandraka
  • "POEMAR O MAR" obra de García Teijeiro, de onde as nenas e os nenos de 2º B de primaria prepararon e recitaron 2 poemas.
  • "O MAR" de Manuel María, é un audio creado pola clase de 1º B de primaria
  • CONTOS CLÁSICOS EN VERSO. Son unha serie de contos clásicos rimados, creados por Fernando González Graña, que moi amablemente prestou á clase de 2º B de primaria para compartir con todos nós.
 

 

   ENTREVISTAS. Espazo adicado a coñecer máis polo miúdo aquelas persoas interesantes que pasan polo noso cole ou que están relacionadas co que a nós nos interesa.






  • CRIS DE CALDAS. Aproveitamos unha nova visita de Cris de Caldas para unha contada máis "especial", a que daba resposta ás preguntas de 1º A de primaria na nosa Radio Carola.
  • SUSANA ARÍNS. Despois de agasallarnos cun libro con poemas inéditos e facernos a tod@s facedores/as de poesía, Susana pasou pola radio para responder ás preguntas formuladas por alumnado de 5ºB de primaria.


 

   CONSELLOS. Consellos e publicidade. Tratanse diversas temáticas: promoción de hábitos saudables, difusión de actividades...











   O QUE ACONTECE... (novas). De todo o que pase no CEIP de Figueiroa, irase dando conta neste espazo. Novas relacionadas con Carola, Lingüereta, extraescolares, deporte,...






  • OFICIOS DO MAR. Información ofrecida polos profes que participan no PFPP "Radio na escola".







   MÚSICA, cancións. Música e músicas que nos inspiran, coas que traballamos e disfrutamos.







luns, 24 de xuño de 2019

DESPEDIDA DE 6º B de primaria. Unha roladiña que marcha....


Vídeo que relata o paso do tempo no grupo de
nenas e nenos que formaron a clase B
dende 2011...
Unha roladiña ben xeitosa!!








luns, 17 de xuño de 2019

NO VERÁN, MERGÚLLATE NOS CONTOS!!

Xa están aí as vacacións, e para non perder o rumbo, todas as biblios dos centros PLAMBE da Estrada pensamos e pensamos para que poidades desfrutar o máximo posible do voso tempo de lecer.

E para iso, aquí quedan as escollas que fixemos de libros. Aínda que se presentan por nivel lector, xa todos sabemos que non idade para ler, e calquera das opcións de seguro que nos farán pasar moi bos momentos.


Na Biblio de Carola poderemos atopar eses libros a partir de setembro!!