No recreo co voluntariado: LABORES

 

 

 

 

Nos recreos co voluntariado: EXPERIMENTOS

 

 

 

 

Nos recreos co voluntariado: CONSTRUCCIÓNS

    

 

  

   

As biblios PLAMBE da Estrada recomendamos lecturas para o verán

 Novamente as bibliotecas dos centros:

- CEIP Cabada Vázquez

- CEIP do Foxo

- CEIP de Figueiroa

- CEIP de Oca

- CEIP Pérez Viondi

acordamos facer unha recomendación  conxunta de lecturas para o verán.

Froito da nosa investigación e escolla, os libros recomendados por idades son:

E como de costume, na Biblio de Carola "vestimos" esas recomendacións coa temática traballada no PDI. Como neste curso nos adicamos ao cine, pensamos que rendir homenaxe ao cinema galego de animación era un bo pretexto para vestir este tríptico.

Non queremos esquecernos de recordar que non hai mellor sitio para mercar estas recomendacións que nas nosas librarías locais. Para elas foi creada a versión CARTEL das recomendacións.

FELIZ VERÁN!!!!

PDI "Un curso de CINE". Recibimos a VITOR SIERRA.

 Compartimos esta nova cun pouco de retraso, pero pensamos que paga a pena a espera.

Alá polo mes de febreiro tivemos unha visita moi especial. Acompañounos 

VÍCTOR SIERRA

El é veciño da nosa vila e leva moitos anos traballando no mundo do cine e da TV. Formou parte de diversidade de proxectos, dos que presentamos unha mostra gráfica.

Aquí queremos amosarvos, íntegramente, a charla que puidemos disfrutar e onde aprendimos moito, moito.

Coas palabras que dixo Víctor e que máis nos chamaron a atención fixemos esta nube de palabras:

Despois da charla, Víctor concedeunos unha entrevista en Radio Carola. Despois de escoitar atentamente a Víctor, o vídeo da entrevista remata cun percorrido polas producións de cine e TV máis destacadas.

REGUEIFA-RAP DÍA DAS LETRAS GALEGAS 2023

 

 Hoxe que é día das Letras Galegas, que mellor para renderlle homenaxe ao noso idioma que facelo mediante unha regueifa-rap. Aquí tendes este magnífico traballo feito polo alumnado de 6º C de EI, o que demostra que no Ceip de Figueiroa hai unha canteira que vén pisando forte. Feliz Día e Felices Letras!

FONTE: Blog do EDLG do CEIP de Figueiroa Dinamiza Figueiroa

LECTURAS COMPARTIDAS E OBRADOIRO. Colaboración entre Infantil e Primaria

 Crónica de Alma González, alumna de 5º B de primaria.

Na aula de 4º B de Infantil, coa axuda das nenas e nenos de 5º B de primaria, fixéronse unhas preciosas chaves dos soños.

Primeiro, cunhas chaves normais, as pintaron eles sós. 

Despois coa axuda dos de 5º, recortáronnas e botáronlle pegamento. 

E por último, o paso máis importante, os polvos das fadas, que Nerea e Goretti recolleron a noite anterior. Había de dúas cores máxicas: o rosa e o verde.

QUEDARON PRECIOSAS!!

SEMANA DA MULLER

 No marco da celebración do 8 de marzo, no CEIP de Figueiroa contamos, grazas á mestra Carmen e Lingüereta, coa exposición "Mulleres Valentes", e coa presenza da súa autora: Rosa de Cabanas.

As nenas e nenos de 6º de primaria tiveron a sorte de poder escoitala, de saber como xurdeu esta exposición e de achegarse a pequenos segredos, que Rosa foi debullando.

A continuación, o vídeo que dá conta desta visita:

As palabras de Rosa recollidas polo alumnado de 6º A de primaria:

“Que debuxar en calquera esquina dun papeliño en branco converteuna en quen é hoxe”

“Que máis alá dos títulos está o que podes facer con eles. Rosa é arquitecta pero tamén deseñadora gráfica (todo o que está foi pensado por alguén), ilustradora e debuxante apaixoada.”

“Que endexamais debemos rendernos se temos un soño. Hai que ir a por el e iso fárache feliz.”

“O mellor método para aprender a debuxar é debuxar.”

“O mellor método para aprender algo é a práctica”.

“Sen traballo non se alcanzan os soños”.

“Ponte unha meta e non te rindas”.

As dificultades supéranse con traballo, dedicación e valor para seguir.

Todas as persoas dependemos unhas de outras.  E apoiámonos uns nos outros

Soamente cando te esforzas moito acadarás un resultado positivo. E se non o fas volve a intentalo con máis forza.

Non teñas medo de facer o que desexas.

As mulleres galegas son un exemplo de valor, de valentía: sacaron adiante fogares e familias con pouco.

 Un dos segredos que nos contou Rosa:

Cando era nena, despois de facer un debuxo, a súa mestra Doña Flora díxolle: 

- Ti tes que ser arquitecta. Fan falta mulleres arquitectas. Mira o que fan os homes.

E sinalou para fóra, ao que se vía pola ventana da aula. 

Pero sobre todo, quedou ben clariño que

DEBUXAR É UN SÚPER PODER. 

Ao longo desta semana, a SEMANA DA MULLER, o Equipo de Voluntariado presta especial atención ás actividades que oferta nos recreos da Biblio de Carola.

Temos unha nova cita co  CICLO DE CURTAS - SEMANA DA MULLER

Nesta ocasión o voluntario DANIEL DURO vainos sorprender cunha escolla de curtas para proxectar ao longo de toda  a semana. Colabora na proxección o incombustible MATEO CONSTENLA.

Cartel deseño de Daniel Duro

Dentro desta oferta no salón, contaremos tamén coas PRESENTACIÓNS dixitais sobre vida de MULLERES que fixo o alumnado de 3º B. Este acto terá lugar o 8 de marzo, coincidindo coa data oficial de celebración.

Pero dende outros recantos a presenza das mulleres, da celebración do Día-Semana da Muller, tamén se aprecia. En canto dispoñamos de mostras do traballo realizado, compartiremos nesta entrada do blog.