MÚSICA que ambienta na ESCOLA DE BAILE

A música recíbenos no cole cando entramos, acompáñanos nos recreos e despídenos ao marchar.

A música vai mudando cada certo tempo para achegarnos aos diferentes estilos de baile que se están a traballar nas clases.

Grazas a Felipe, temos cita musical a cotío

O luns 18 de novembro comeza a escoita de....

O voluntariado da EDITORIAL saca o seu primeiro XORNAL!!!

 

OUTUBRO 2024

EXTRA!!!

O recén creado Consello de Redacción da Editorial da Biblio de Carola, ven de publicar o seu primeiro xornal.

Foi un traballo fantástico. Durante un mes un grupo de 4 alumnas deseñaron, repartiron tarefas, cumpliron horarios marcados por elas mesmas... Dende a Biblio só podemos felicitar mi sinceramente a:

Noemí Rodríguez, Xiomara Cristobo, Clara Otero e Uxía Vilarelle por este traballo!!

Haberá, ademais da edición dixital deste blog, unha edición impresa que se repartirá para cada clase e na biblioteca.

Para o mes de novembro, novo consello de redacción, novas ideas... Moita sorte!

ESCOLA DE VOLUNTARIADO

 Coma todos os anos, o alumnado que acaba de estrear o 3º ciclo de primaria, agardan pola convocatoria dende a Biblio para formar parte do voluntariado.

Por esa razón, moitas nenas e nenos de 5º responden ao convite de Carola e deciden acudir a formación que se ofrece no mes de setembro.

Este ano hai moitas novidades, o voluntariado diversifícase e podemos falar de varios grupos de voluntarias e voluntarios. Seguirán atendendo os obradoiros durante os recreos, pero ademais, podemos adiantar como grandes novidades:

- Voluntariado de PATIO, cos que poderemos facer diferentes tipos de xogos ou aceptar as lecturas que nos ofrezan na Biblio de Patio.

- Voluntariado de XESTIÓN, para aprender e axudar nas tarefas cotiás que se realizan na biblio.

- Voluntariado de ANIMACIÓN Á LECTURA, onde as posibilidades de colaborar son varias: lecturas compartidas, escritura creativa, booktubers,...

- Voluntariado da EDITORIAL, para traballar na creación dun xornal, ou en podcast de radio, producións de vídeo, mantemento deste blog da biblio...

A formación vaise desenvolver do xeito que segue:

Nas sesións comúns falamos, debatimos e aprendemos sobre:

- que características debe ter a persoa voluntaria

- que documentos empregamos para planificar e avaliar o noso traballo

- o calendario que vai no CONTRATO que se vai asinar para formar parte do volumtariado

- o calendario de celebracións que nos pode axudar a escoller as semanas que imos traballar

No traballo especializado, para poder rentabilizar o pouco tempo que temos para esta formación, porque os recreos sempre son breves, presentamos nas mesas a información relacionada con cada ámbito para que vaian traballando por parellas ou pequenos grupos

      

   

QUEREN SABER: A actividade que propoñen Carola e Lingüereta para afondar no PDI

 Carola e Lingüereta teñen unha fame de saber insaciable!!

Elas sempre propoñen preguntas para iniciar o PDI de cada curso. Este ano as preguntas poderían englobarse en 3 tipos, según o ámbito que propoñen investigar.

En FOXTROT HISTÓRICO hai preguntas que fan referencia ao baile ao longo da historia. Chámase fostrot, porque as preguntas expóñense na entrada coas pisadas  dun paso deste baile.

  

DANZA XEOGRÁFICA IMPOSIBLE é danza porque semella un paso de baile, é xeográfica porque fai preguntas sobre distintos lugares do mundo, dende os cinco continentes ata a nosa terra, Galicia, e máis de preto, A Estrada. É imposible, porque non se pode facer....., ou si?

O VALS da MESTURA, ten un pouco de todo, son preguntas que non responden a un xénero concreto.

As clases escolleron a PREGUNTA na que queren traballar, e así quedou o reparto:

DICIONARIO. Unha actividade de investigación para crear unha enciclopedia temática

 As clases xa escolleron o dicionario sobre o que van traballar un aspecto concreto do baile.

Moito por investigar para aprender!!

Comezamos coa actividade de TOPONIMIA e INTERXENERACIONAL

 Xa saíu para as casas das nosas familias, a primeira actividade sobre o PDI, onde traballamos en colaboración coas familias sobre os LUGARES.

Esta ano traballamos sobre o BAILE, e esa é unha actividade que acompaña á persoas ao longo da súa vida. Por iso queremos saber onde bailaban os nosos antepasados e os familiares que aínda viven.

Agaramos poder contar con moita información da que poder aprender como foi e como é o noso concello no seu lecer.

Somos UNHA ESCOLA DE BAILE

O curso comezou co traballo das mestras que quixeron dar unha clara idea do que iamos facer no tempo que nos queda por diante.

 De todas as propostas presentadas, a gran maioría votou por algo que nos gusta e nos presta. Por iso durante o curso 24/25, o CEIP de Figueiroa vaise transformar nunha

A imaxe que nos representa está ben visible na parte superior deste blog, onde Carola e Lingüereta, xa están preparadas para recibirnos AO COMPÁS.

Ogallá cheguemos todos a marcar o paso dun curso que promete ser emocionante e divertido, onde poderemos aprender moito sobre unha das manifestacións que máis caracterizan a un pobo.

Carola recíbenos nun entorno que invita a bailar de múltiples formas.

Este será o proxecto que guíe os nosos pasos:

COMEZAMOS!!!

SOMOS NUTRIOLÍMPICOS e chegamos á META

A todas as actividades desenvolvidas encamiñadas a sementar no noso alumnado ad bases para unha vida máis saudable, houbo que engadirlle unha novidade este curso: a reunión de acollida ás familias do alumnado que o vindeiro ano académico 24/25 serán escolarizados en 4º de Educación Infantil no noso centro contou coa visita dunha das pediatras e a hixienista dental do Centro de Saúde do noso Concello para falar, entro outros temas, da importancia de coidar a nosa alimentación en prol duns hábitos de vida saudables.

QUEREN SABER: Houbo Xogos Olímpicos en España? e en Galicia? en 2º B de primaria

 

A resposta elaborada por 2º B é un podcast que se pode escoitar premendo na imaxe de Radio Carola.

DESEÑO E IMPRESIÓN 3D

A aula de Audiovisuais do Espazo CreaTIvo da nosa Biblio de Carola foi o lugar de encontro do obradoiro de Deseño e Impresión 3D realizado polo alumnado de 5º de EP. Mostra desta experiencia, na que todos e cada un dos participantes tiveron a oportunidade de deseñar a súa propia medalla olímpica mediante o emprego do programa Tinkercad, foi recollida nun dos artigos incluidos na Revista Candeas.

QUEREN SABER: Cantas Olimpíadas houbo? en 5º A de primaria

 

Os RÉCORDS da Biblio de Carola

 

Mara de 3º A foi a persoa máis lectora deste curso!! Queremos, dende a Biblio, ampliar as felicitacións a Estela, a titora de Mara, porque todos eses préstamos foron realizados pola profe. 

Parabéns por esta aula e esta profe tan autónomas na xestión bibliotecaria!!

A nosa profe Carmen resultou ser a autora do libro máis prestado deste curso. Daquelo de que ninguén é profeta na súa terra, nada de nada. 

Cando Carmen publicou o seu libro, dende a Biblio fixemos a nosa pequena homenaxe con este cartel:

Grazas Carmen polo teu traballo e PARABÉNS pola boa acollida.