CICLO DE CURTAS: Día Internacional do autismo

 Estas son as propostas que se programan para as diferentes idades do noso alumnado:

Para EDUCACIÓN INFANTIL

    

 

Para 1º CICLO de PRIMARIA

Para 2º CICLO de PRIMARIA

  

Para 3º CICLO de PRIMARIA

   

PARTICIPAMOS NO PLAN PROXECTA "NÓS TAMÉN CREAMOS". Izando contos, arriando curtas!

 

"El leñador honrado" por IVÁN SANMARTÍN

Parecía que xa rematara a entrega de audiocontos, pero.... NON!!!

Aquí temos un novo recén chegado na voz de IVÁN SANMARTÍN, de 6º B.

Grazas Iván por facer que disfrutemos novamente e pola túa escolla dun conto tan ilustrativo...




Música de acompañamento de Jesse Gallagher "Divine life society" (audiolibraría de Youtube)

EL LEÑADOR HONRADO

En una humilde casita del bosque vivía un leñador con su esposa y sus pequeños hijos.
Cada mañana, en cuanto amanecía, el leñador salía de casa, cargado con su vieja hacha, a cortar leña y volvía ya entrada la noche.
Un día mientras andaba cortando leña cerca del río se le escurrió el hacha y se hundió en el  aguas.
¡Pobre leñador!
-¿Qué voy a hacer ahora? – se lamentaba llorando amargamente-.
¿Qué van a comer mis hijos?
De repente apareció entre las aguas una ninfa, que con voz muy dulce le preguntó: Ler máis »

"O coelliño branco"

ADELAIDA conta, ben contada a historia publicada por Kalandraka, que foi creada por Xosé Ballesteros e ilustrada por Óscar Villán.

Música de fondo: Dance for Wind Trio de SIR CUBWORTH da audiolibrería de Youtube.

Lembrade que temos o texto debaixo para poder ler e aquí queda un LIM do COELLIÑO BRANCO, feito por unha vella amiga do cole, Belén Junquera, para xogar...

O COELLIÑO BRANCO

Xosé Basllesteros

Óscar Villán

Era unha vez un coelliño branco.

Un día foi buscar coles á horta para facer un caldiño.

Cando o coelliño volveu á casa, atopou a porta pechada e petou.

-Quen é?-preguntou un vozarrón dende dentro.

-Son eu, o coelliño branco que fun coller coles a horta e vou facer un caldiño.

-Pois eu son a cabra cabresa e, como non marches, sáltoche enriba da cabeza.

O coelliño foise de alí correndo a présa.

Andando, andando, o coelliño atopou un boi e pediulle axuda.  Ler máis »

"O Galo Quirico"

A profe MONTSE, ISAAC, ROI e BRAIS de 6º B, lévannos de voda.

... ou non?

Porque todo o mundo sabe que co peteiro emporcado non se pode ir.

... ou si?



Escoitade e veredes.

MÚSICA:
Brandenburg Concerto No4-1 BWV1049 - Classical Whimsical de Kevin MacLeod está protexido baixo unha licenza Creative Commons Attribution (https://creativecommons.org/licenses/by/4.0/)
Fonte: https://incompetech.com/music/royalty-free/index.html?isrc=USUAN1100303
Artista: https://incompetech.com/

O CONTO DO GALO QUIRICO

QUE QUERÍA IR Á VODA DO TÍO PERICO

Este conto que vos vou contar vai do galo máis festeiro de todo o galiñeiro. Éche o conto do galo Quirico que ía para a voda do tío Perico.

Chegouche o día da voda e o noso galo ergueuse moi cedo. Lavouse, arranxou as plumas... ¡púxose como nunca se puxera! ¡Todo elegante! ¡Daba gusto velo! Pouco a pouco foise indo pola corredoira que levaba á casa do seu tío Perico.

Cando xa levaba un bo cacho andado viu de súpeto, xusto no medio da corredoira, unha gran bosta de vaca cun verme color rosa enriba. ¡Que delicia! ¡Que apetitoso! E entón chega a dúbida:    
Ler máis »

"Sete ratiños cegos" por SONIA

SONIA de 6º B trae unha historia tan bonita como útil.

A importancia de non apresurarse á hora de facer valoracións e xuízos poderá darnos unha visión da realidade moito mellor e máis exacta.

En voz de Sonia quedades con

"SETE RATIÑOS CEGOS" de Ed Young

Lembrade que acompaña o texto, por se alguén se anima a ler, antes, durante ou despois da escoita.

SETE RATIÑOS CEGOS de Ed Young

Un día sete ratiños cegos atoparon algo moi raro á porta da súa cova. Como non vían non sabían o que era e decidiron investigar.

O luns Ratiño Vermello foi pescudar. Era o primeiro que unha resposta quería atopar.

-É unha columna. Non hai dúbidas. -. Pero ninguén o creu.

O martes Ratiño Verde foi pescudar. Era o segundo e unha resposta quería atopar.

-É unha cobra. Non hai dubidas-. Pero ninguén o creu. 
Ler máis »

ANTÍA, rápida como a lebre ou constante como a tartaruga?

ANTÍA presenta un clásico, a fábula

A TARTARUGA E A LEBRE

Fábula atribuída a Esopo, posteriormente reescrita por outros fabulistas como Jean de La Fontaine e Félix María Samaniego.

Disfrutemos desta historia e da súa recomendable mensaxe....

A TARTARUGA E A LEBRE

Nun fermoso bosque vivía unha tartaruga moi fachendosa que de seguido se gababa de ser o animal máis veloz do bosque. E ademais burlábase seguido da tartaruga e da súa lentitude.

Un día, a tartaruga fíxolle unha sorprendente proposta:

- Lebre, serías quen de botar unha carreira contra min. Sempre me estás acusando de torpe e de lenta... pero eu estou segura de que podo ganarche.

As gargalladas da lebre resoaron por todo o bosque:

- Serás parva tartaruga? Ademais de lenta, parva. Pero ti o propuxeches. Imos botar esa carreira e vas quedar en ridículo diante de todos.  Ler máis »

CARLA e IRIA son quen de nos SACAR AS PENAS

Tamén de 6º B, IRIA e CARLA narran o conto de

SACAPENAS de Thomas BrowNe


Coma de costume, escoitemos con atención o conto e se queremos, podemos ir lendo no texto de abaixo.

SACAPENAS  DE ANTHONY BROWNE

Bieito sempre estaba preocupado.

Bieito preocupábase por moitas cousas…

Preocupábase polos sombreiros,

E preocupábase polos zapatos.

A Bieito preocupábanlle as nubes, Ler máis »

ROSA CARAMELO .... afouteza!!

CANDELA refréscanos esta historia tan bonita de Adela Turín que fala da elefanta Margarida. 

 Que valente é!!

Ou son!!

Margarida e máis Candela!!

Cando remates de escoitar o conto podes xogar nesta WEBQUEST!!

ROSA CARAMELO  de Adela Turín

Érase unha vez na terra dos elefantes ... un rabaño no que as elefantas eran lisiñas coma o terciopelo, tiñan os ollos grandes e brillantes e a pel de caramelo rosa. Todo isto debido a que, desde o día do seu nacemento, as elefantas só comían anémonas e peonías. E non é que lles gustasen estas flores: as anémonas -e peor aínda as peonías- teñen moi mal sabor. Pero si, dan unha pel rosa suave e grandes ollos brillantes.  Ler máis »

GRÚFALO por un quinteto de luxo!!

Pois alá, dende as súas casas, NOA MENDOZA, PABLO, NOA OTERO, MAURO e NOEL foron quen de poñer voz a cadansúa parte do conto de

"GRÚFALO" de Julia Donaldson e Axel Scheffler

É un bó xeito de demostrar que a intelixencia está por riba da forza e que o tamaño non sempre é tan importante.


Despois de escoitar o conto, poderemos seguir disfrutando do GRÚFALO se picas AQUÍ.

O GRÚFALO

Pola fonda e escura fraga paseaba un rato.

Pensou un raposo: -Que bo bocado!

-Onde vas, ratiño, meu querido amigo?

Ven ao meu tobo e come comigo.

-Moi galante, raposo, mais coido que non.  Ler máis »

GABRIEL ten coidado co lobo!!!

A merla está a pasalo mal por culpa dun lobo... Xa está!! non contamos máis...

É moito mellor escoitar a historia na voz de Gabriel. Que énfase!






 

O LOBO E A MERLA

Había una vez, hai moito tempo, unha merla que vivía nun carballo e tiña no seu niño catro merliños. Un día pasou por alí un lobo que levaba moita fame e, vendo a niñada, díxolle á merla:
- Merla, dáme un merlo.  Ler máis »

SILVIA marcha de voda!!!

SILVIA de 6º B convídanos a unha voda moi especial:

CASAN A PULGA E MÁIS O PIOLLO!!!

Fáltalles case todo..., 

pero non hai cousa que poida co amor!!!

ou si? 

MARRAMIAU!!

O PIOLLO E A PULGA QUERÍAN CASAR

O piollo e a pulga querían casar.

Non tiñan panciño para “escomenzar”.

Saíu a formiga do seu formigueiro:

– “Mandaime” recado que eu son panadeiro.

– ¡Ai, miña vidiña, panciño xa temos!

Fáltanos carniña. ¿Onde a atoparemos? 

ÍKER viaxa con SIMBAD

ÍKER de 6º B lévanos por lugares maravillosos da man de Simbad...

Para escoitar, para viaxar!!!

LARA de 6º B cóntanos a historia de WANGARI

Lara achéganos esta bonita historia de Wangari e os seus árbores da Paz.

Ademais de escoitar a Lara, podemos ler a historia.

Como complemento a este fantástico traballo de Lara podemos xogar e aprender no LIM feito por Belén Junquera de "Wangari e as árbores da Paz", que se atopa ao final do texto.

WANGARI

Wangari vivía baixo as árbores, preto do monte Kenia en África. Polas mañás escoitaba o canto dos paxaros no bosque cando vai coa súa nai buscar leña para cociñar. Axudaba a cultivar batatas, cana de azucre e millo nun chan fértil. Alí medrou Wangari.

Gústalle moito estudar e gaña unha beca para ir a Estados Unidos.

Cando regresa ao seu fogar en Kenia despois de seis anos atopa o seu mundo cambiado. “Que pasou?”- pregúntase-. “Onde están as árbores? Por que desapareceron?”  Ler máis »

6º B COMPARTE CONTOS para ESCOITAR e LER...

As nenas e nenos de 6º B non deixan de sorprendernos.

Agora toca pechar os ollos e deixarnos ir cos contos gravados por eles nas súas casas.


Se alguén quere pode acompañar a escoita coa lectura...

Imaxe de Kalandraka

O primeiro en chegar é o conto de   ROBERTO .

Trátase do conto "Rato Moi Alto e Rato Moi Baixo" do libro "Contos de ratiños" de Arnold Lobel.

RATO MOI ALTO E RATO MOI BAIXO

Había unha vez un rato moi alto e un rato moi baixo que eran grandes amigos. Cando se atopaban Rato moi alto dicía:

-Ola, Rato moi baixo!

E Rato moi baixo dicía:

-Ola Rato moi alto!

Os dous amigos ían pasear xuntos moitas veces.

Cando paseaban, Rato moi alto dicía:  Ler máis »

O CONTO QUE NACE DUNHA MOREA DE LIBROS...

Imaxe de Pxfuel

As nenas e nenos de 6º B, a clase da profe Montse, están a celebrar o DÍA DA LITERATURA INFANTIL E XUVENIL, dentro do que na Biblio de Carola demos en chamar o MES do LIBRO,
dun xeito moi especial. Anegado de creatividade e imaxinación e coa posibilidade de poder disfrutalos todas as persoas que entramos neste blog!!!

O encargo que tiñan era facer unha torre con libros
que teñen por casa

e escribir un conto a partir dos títulos.

 
As propostas recibidas de CONTO ESCRITO son de:

GABRIEL, BRAIS, NOA MENDOZA,

MAURO, CARLA, CANDELA,

ROBERTO, SILVIA e ADELAIDA

Un Conto Cos Libros

Read more publications on Calaméo

Tamén hai aportacións en vídeo de LARA, NOA OTERO e ANTÍA:

 

de LARA

 

 NOA OTERO

ANTÍA

UNHA LONGA VIAXE... cara a PAZ

Vai rematando xaneiro e o Día da Paz é un momento importante no curso escolar, ao que prestamos especial atención. No curso en que traballamos o PDI "Amaromar" os movementos migratorios que teñen lugar no medio mariño van ser os protagonistas.

Aproveitando un conto precioso que publicou Kalandraka, fixemos unha adaptación na que colaboraron moitos nenos e nenas do cole.

As imaxes que ilustran este conto son tan bonitas que non fumos quen de escoller. Empregamos todas e cada unha dos debuxos que narran as vivencias de dúas familias tan diferentes e tan iguais.

Para poder compartir este traballo puxémonos en contacto coa Editorial e ..., a continuación "pegamos" a súa resposta:

• Antes de nada, darvos os parabéns polo voso traballo. Con respecto aos permisos que solicitades, Kalandraka non ten ningún inconvinte para que difundades o video, de todos os xeitos, faremos as xestións necesarias co autor e ilustrador para acadar tamén o seu permiso.

Radio Carola facilitou os medios para acadar o mellor dos resultados posibles. Repartíronse os papeis, escolléronse as músicas e...

 Así comeza a historia....

No ceo dalgún lado, dalgún país, de calquera sitio, íase iniciar unha viaxe a algún lado, a algún país e a calquera sitio… mellor. Aínda que isto non é de todo certo. Hai países que teñen sitios que quedan de lado e as viaxes aí son certamente difíciles pero necesarias.

O ceo azul coma o mar se non hai nubarróns, vístese de esperanza e da acubillo a quen pasea dende a terra e mira para el buscando un sopro de vento que o empurre tal vez para un lugar mellor. A veces isto é unha necesidade. Os paxaros libres saben que teñen que marchar, para despois voltar cando deixe de arrefriar, as persoas teñen que.. simplemente marchar coa idea de poder voltar algún día.

Acompañémolas pois na súa viaxe baixo o mesmo ceo e sobre a mesma terra.. a súa terra.

TEMOS UN CONTO ENTRE MANS...

A celebración do DÍA-SEMANA-MES do LIBRO, vai máis alá de coñecer e traballar sobre historias que chegan ata nós. Nesta ocasión a proposta que nos ofrece Carola é a CREACIÓN LITERARIA.

A Biblio de Carola vai contar con dúas novas incorporacións, unha historia dos grupos A e a outra dos grupos B do noso CEIP de Figueiroa.

O proceso é o seguinte:

- En Educación Infantil tómanse as decisións que marcarán o inicio do conto.

• 4º de Infantil decide sobre QUE ou QUEN protagoniza a historia
• 5º de Infantil decide sobre ONDE se vai desenvolver todo
• 6º de Infantil decide sobre QUE VAI APARECER
• 6º de Infantil decide sobre O QUE NON PODE FALTAR

- Canto chegan esas condicións a Primaria, a historia empeza nunha das clases e vai pasando por todas e cada unha ata que todas e todos participen.

Para ilustrar os contos, en cada clase fan os debuxos que queiran, sobre calquera das partes da historia.

TEMOS UN CONTO ENTRE MANS...,

DAS CLASES A.

QUE ou QUEN: Unha escola embruxada

ONDE: un monte moi alto, onde de noite se vían as estrelas

QUE VAI APARECER: unha caixa máxica que se move e bota fume

Por fin temos un novo conto feito por todos e para todos:

Temos un libro entre mans... Grupos A

Leer más publicaciones en Calaméo

TEMOS UN CONTO ENTRE MANS...,

DAS CLASES B.

QUE ou QUEN: Un grupo de nenas e nenos

ONDE: no bosque

QUE VAI APARECER: un lobo
O QUE NON PODE FALTAR: unha canción

Temos un libro entre mans... Grupos B

Leer más publicaciones en Calaméo