DÍA DE ROSALÍA: ilustración colectiva

 Un ano máis o EDLG do noso cole fomenta unha acción colectiva para homenaxear á nosa poeta.

No ano en que adicamos o PDI ao baile, a música, instrumentos e festa non faltan nas palabras de Rosalía. Unha vez que cada clase fixo a súa aportación, o Equipo de Biblio deulle forma de vídeo para compartir co mundo. 

HAS DE CANTAR....

Día de Rosalía. Febreiro 2025

 As nenas e nenos de 5º B de Infantil fan a súa particular homenaxe, poñendo guapísima a Rosalía

DÍA DE ROSALÍA

A clase de 4º A compartiu na Biblio poemas de Rosalía de Castro con outros grupos do cole.

Deixamos o vídeo que da conta do seu bo facer.

ROSALÍA EN MOVEMENTO

Outro xeito de celebrar o DÍA DE ROSALÍA, tendo en conta o PDI deste curso, é traballar para poñer a Rosalía a practicar deportes olímpicos.

Foi unha actividade ben chula na que cadaquén empregou a súa creatividade para debuxar á nosa Rosalía en pose deportiva. Despois, grazas á tecnoloxía, os debuxos cobraron vida, danzando, brincando ou correndo sen parar dun lado a outro.

A modo de exemplo, deixamos aquí a unha Rosalía feita nas clases de 3 anos.

Todas as creacións foron recollidas e gardadas en diversos documentos. Nas aulas de 3 anos compartíronas deste xeito:

As Rosalías deportistas de 4º A de infantil

Rosalías brancas feitas en 4º B de infantil

DÍA DE ROSALÍA NO TEATRO PRINCIPAL

 

Co gallo da celebración do Día de Rosalía de Castro, o Concello da Estrada, en colaboración cos centros educativos da vila, presenta en homenaxe á gran poetisa galega Aí vén a tola soñando, un videoclip realizado e filmado por Lucas Terceiro e cunha canción composta e interpretada por Gabriel Blanco (Plan Siberia) que pon música a un poema de Rosalía. O traballo conta cunha coreografía creada pola bailarina Jacqueline Reimúndez e bailada por un abano de alumnos/as procedentes de distintos coles estradenses.

FONTE: Blog do EDLG do CEIP de Figueiroa Dinamiza Figueiroa

DÍA DE ROSALÍA 2019

Para celebrar o Día de Rosalía no ano en que traballamos o MAR, lemos e lemos moitos poemas de Rosalía de Castro. Despois de moitos traballos fixemos unha escolla de dous poemas para ser tratados en Educación Infantil e en Educación Primaria. O xeito de abordar os poemas foi como en moitas outras ocasións: repartimos os versos por clases, para que sexan ilustrados. Así ofrecemos estes dous traballos dos que nos sentimos moi orgullos@s.

EDUCACIÓN INFANTIL:

Foi a Páscoa enxoita

    Foi a Páscoa enxoita,
    choveu en San Xoán;
    a Galicia a fame
    logo chegará.

    Con melanconía
    miran para o mar
    os que noutras terras
    tén que buscar pan.

EDUCACIÓN PRIMARIA:

Del mar azul las transparentes olas

Del mar azul las transparentes olas
mientras blandas murmuran
sobre la arena, hasta mis pies rodando,
tentadoras me besan y me buscan.
Inquietas lamen de mi planta el borde,
lánzanme airosas su nevada espuma,
y pienso que me llaman, que me atraen
hacia sus salas húmedas.
Mas cuando ansiosa quiero
seguirlas por la líquida llanura,
se hunde mi pie en la linfa transparente
y ellas de mí se burlan.
Y huyen abandonándome en la playa
a la terrena, inacabable lucha,
como en las tristes playas de la vida
me abandonó inconstante la fortuna.




A las orillas del Sar.

Día de Rosalía - A Estrada 2018

Un ano máis o Concello da Estrada fai unha recreación colectiva dun poema de Rosalía para celebrar o seu día. Nesta ocasión tocoulle a vez a "Adeus ríos, adeus fontes" nunha versión anegada pola diversidade, onde Rosalía é recitada dende moitos lugares e en moitos idiomas.

O noso cole tamén participou, podedes ver ás nosas nenas e nenos cando o vídeo chega aos 3:38 minutos.

Parabens polo proxecto!!!

Rosalía, definitivamente, veu para quedar.

24 de febreiro: ROSALÍA CANTADA

"Día de Rosalía". Poema recreado en INFANTIL

Os 7 grupos de Educación Infantil do noso cole participaron na homenaxe a Rosalía de Castro e traballaron co poema "Castellanos de Castilla".

Lingüereta máis eu tivemos serios problemas para escoller entre todos os debuxos, posto que cada nena e cada neno fixo candanseu debuxo do verso que lle tocou á sua clase.

A elección deste poema obedece tamén á temática que estamos a traballar no cole dende o Día da Paz, dentro do proxecto ESTRADA DE ESTRADAS.

Agardamos que vos guste!!!

"Día de Rosalía". Poema recreado en PRIMARIA

Recén saído do forno, chega a primeira recreación colectiva dun poema de Rosalía de Castro. 

Mapa mundi que recolle os destinos dos nosos emigrados

Neste ano, no proxecto ESTRADA DE ESTRADAS, traballamos a situación dos refuxiados a partir das experiencias dos nosos familiares emigrados. Por esta razón, o poema elexido para traballar por todo o alumnado de Educación Primaria foi "Iste vaise", da obra FOLLAS NOVAS.

O Val das mouras, case tan contentos como está Carola!!!

Nesta ocasión tivemos un agasallo moi especial. Á hora de poñer música á montaxe, buceando por internet atopamos un grupo que ofrecía unha versión moi fresca, moi bonita dos poemas de Rosalía. Estaba claro que esa tiña que ser a "nosa" música. Así que Carola púxose mans á obra e contactou co grupo 

O val das mouras.

 Non tardaron nin media hora en responder ao correo electrónico. David o seu representante estaba encantado, e non só nos deron permiso, senón que enviou por correo un arquivo de audio dunha calidade excelente. 

Esta foi a súa resposta:  Por suposto! Podedes empregar o que queirades! De feito fainos moita ilusión :) Eu tamén son mestre, aquí en Bcn.... que a nosa música axude a sementar a obra de Rosalía nas escolas paréceme sinxelamente brutal.

 Moitas grazas David!! Moitas grazas Val das Mouras!!

E aquí queda o noso traballo:

24 DE FEBREIRO: Día de Rosalía

 O venres 23, no MOME celebrouse o DÍA DE ROSALÍA.
 
O CEIP de Figueiroa tamén participou a través da intervención de Kenia Souto co poema "Castellanos de Castilla"

Foi a ocasión elexida para presentar o novo traballo colectivo, sobre un dos poemas da nosa autora. "Negra sombra" aparece nunha nova interpretación onde participan moitos e moitas viciñas da Estrada. Aquí queda ese maravilloso traballo:

Parécenos esta unha moi boa ocasión de recordar a creación colectiva que fixemos no CEIP de Figueiroa hai uns anos.

Así imos facendo boca, agardando polos poemas que están a piques de sair neste curso dende o noso cole.
Lembremos que terán moito que ver co que se está a traballar no proxecto ESTRADA DE ESTRADAS. Máis concretamente coa temática iniciada co gallo do Día da Paz: refuxiados-emigración...
Xa queda pouco!!