Cando se traballou en 4º de primaria con "Escola de bruxas" contar co apresencia de María Canosa era inevitable e moi apetecible.
Despois sesión fantástica, moitas quixeron a sinatura de María nos seus libros.
En datas próximas á celebración do 2 de abril, Día Internacional do autismo, Rosalía Morlán acode á nosa biblio para presentar o seu libro "A bolboreta Arlequina".
Asistiron as aulas de 2º de primaria e xa dispoñemos de varios exemplares na nosa biblio.
Unha vez finalizado o acto, o alumnado de 4º, que tamén coñecía a súa obra, agasallou a Roslaía con debuxos sobre a súa obra.
A Editorial Anaya agasallou ao alumnado de 2º de primaria cunha sesión de contacontos sobre a obra de María Oruña "O tren fantasma".
Compartimos esta nova cun pouco de retraso, pero pensamos que paga a pena a espera.
Alá polo mes de febreiro tivemos unha visita moi especial. Acompañounos
VÍCTOR SIERRA
El é veciño da nosa vila e leva moitos anos traballando no mundo do cine e da TV. Formou parte de diversidade de proxectos, dos que presentamos unha mostra gráfica.
Aquí queremos amosarvos, íntegramente, a charla que puidemos disfrutar e onde aprendimos moito, moito.
Coas palabras que dixo Víctor e que máis nos chamaron a atención fixemos esta nube de palabras:
No marco da celebración do 8 de marzo, no CEIP de Figueiroa contamos, grazas á mestra Carmen e Lingüereta, coa exposición "Mulleres Valentes", e coa presenza da súa autora: Rosa de Cabanas.
As nenas e nenos de 6º de primaria tiveron a sorte de poder escoitala, de saber como xurdeu esta exposición e de achegarse a pequenos segredos, que Rosa foi debullando.
A continuación, o vídeo que dá conta desta visita:
As palabras de Rosa recollidas polo alumnado de 6º A de primaria:
“Que debuxar en calquera esquina dun papeliño en branco converteuna en quen é hoxe”
“Que máis alá dos títulos está o que podes facer con eles. Rosa é arquitecta pero tamén deseñadora gráfica (todo o que está foi pensado por alguén), ilustradora e debuxante apaixoada.”
“Que endexamais debemos rendernos se temos un soño. Hai que ir a por el e iso fárache feliz.”
“O mellor método para aprender a debuxar é debuxar.”
“O mellor método para aprender algo é a práctica”.
“Sen traballo non se alcanzan os soños”.
“Ponte unha meta e non te rindas”.
As dificultades supéranse con traballo, dedicación e valor para seguir.
Todas as persoas dependemos unhas de outras. E apoiámonos uns nos outros
Soamente cando te esforzas moito acadarás un resultado positivo. E se non o fas volve a intentalo con máis forza.
Non teñas medo de facer o que desexas.
As mulleres galegas son un exemplo de valor, de valentía: sacaron adiante fogares e familias con pouco.
Un dos segredos que nos contou Rosa:
Cando era nena, despois de facer un debuxo, a súa mestra Doña Flora díxolle:
- Ti tes que ser arquitecta. Fan falta mulleres arquitectas. Mira o que fan os homes.
E sinalou para fóra, ao que se vía pola ventana da aula.
Pero sobre todo, quedou ben clariño que
DEBUXAR É UN SÚPER PODER.
Ao longo desta semana, a SEMANA DA MULLER, o Equipo de Voluntariado presta especial atención ás actividades que oferta nos recreos da Biblio de Carola.
Temos unha nova cita co CICLO DE CURTAS - SEMANA DA MULLER
Nesta ocasión o voluntario DANIEL DURO vainos sorprender cunha escolla de curtas para proxectar ao longo de toda a semana. Colabora na proxección o incombustible MATEO CONSTENLA.
 |
| Cartel deseño de Daniel Duro |
Dentro desta oferta no salón, contaremos tamén coas PRESENTACIÓNS dixitais sobre vida de MULLERES que fixo o alumnado de 3º B. Este acto terá lugar o 8 de marzo, coincidindo coa data oficial de celebración.
Pero dende outros recantos a presenza das mulleres, da celebración do Día-Semana da Muller, tamén se aprecia. En canto dispoñamos de mostras do traballo realizado, compartiremos nesta entrada do blog.
Programa de Faro de Vigo e Edicións Xerais que achega ás persoas creadoras de historias ao noso alumnado.
Varias clases do noso centro participarán nalgunha destas charla.
Feliz lectura e feliz contada!!
CHARLAS AUTORES by Maria Blanco Corral on Scribd
um cabo esfianhado
