As clases do cole de Figueiroa atenderon á proposta do Equipo de Extraescolares con moito ímpetu e crearon as páxinas deste fermoso libro.
mércores, 18 de maio de 2022
xoves, 3 de marzo de 2022
ENTROIDO 2022
Aquí queda a mostra de como se viveu a semana do entroido no cole de Figueiroa.
OS MANDADOS DO XENERALIÑO:
O VENRES... DISFRAZ LIBRE!!!
E NO PATIO, COMO SE TAL COUSA...
venres, 25 de febreiro de 2022
DÁNDOLLE VOLTAS AO MUNDO CON CABECIÑA!!
O noso XENERALIÑO DA ULLA tivo moi en conta que estamos no ano en que traballamos sobre a celebración do V Centenario da Volta ao Mundo.
Os seus mandados foron representar coas nosas cabezas os continentes que forman parte do planeta Terra.
E esta imaxe foi a que enviou ás casa para "non perder o norte"
xoves, 24 de febreiro de 2022
O ENTROIDO GALEGO, por 6º B de primaria
Menudo traballo que fixeron estas nenas e nenos de 6º!!!
E que acabado tan bonito!!
Ademais, tiveron a ben compartilo para que disfrutemos e aprendamos.
Moitas grazas.
mércores, 15 de decembro de 2021
DE VIAXE NO TEMPO CON 6º!!!
En 6º andan a traballar a historia máis recente e tiveron a ben convidarnos a compartir esta viaxe no tempo. Aquí presentamos imaxes do seu traballo e ao final poderás entrar nunha liña de tempo convertida nun Genially
O grupo de 6º A expón nas paredes da clase, axexade o seu traballo e como traballan:
É un bo traballo de investigación que podemos ver polo miúdo nestas imaxes da clase de 6º B:
As nenas e nenos de 6º B convertiron a liña do tempo que teñen na clase nunha actividade online, para poder disfrutar dela dende calquera lugar.
CLUB DE LECTURA? NOOOON!!! CLUBS DE LECTURA
A Biblio de Carola recunca nos Clubs de Lectura.
Por fin!! despois de tanto tempo, volve haber no cole
non 1
nin 2
senón 3 CLUBS DE LECTURA!!!
Son as nenas e nenos de 6º, e como son tantas as persoas interesadas, houbo que organizarse en 3 grupos, 2 clubs de 6º B e 1 club de 6º A.
Para que coñezamos moito sobre estes clubs, crearon o BLOG "A maxia de ler". O nome foi o acordo ao que chegaron na súa primeira reunión. Se prememos na imaxe da súa portada chegaremos ao seu blog
martes, 14 de decembro de 2021
"LÉNDOLLE AS VOLTAS AO MUNDO"
Un ano máis sabemos que chega o Nadal, porque as biblios PLAMBE de todos os coles da Estrada, xúntanse para escoller as mellores lecturas neste tempo de lecer.
Neste curso non nos cansamos de DAR VOLTAS AO MUNDO, e agora é tempo de ler esas voltas.
Así é como os coles de
CEIP de Pérez Viondi
CEIP do Foxo
CEIP Cabada Vázquez
CEIP de Oca
e o noso, o CEIP de Figueiroa
acordamos ofrecervos ideas para os vosos agasallos de Reis ...
E outro ano máis quedamos sen poder facer a EXPOSICIÓN de Nadal coas nosas LIBRARÍAS LOCAIS. Agardemos a que o ano novo nos permita disfrutar a nosa biblio para facer exposicións e moitas cousas máis!!!
Pero non nos esquecemos das librarías e fixemos as recomendacións en formato cartel por se queren amosalo nos seus establecementos
xoves, 18 de novembro de 2021
XA TEMOS MOITOS RECURSOS para investigar...
Cada vez chegan máis recursos para traballar o PDI deste curso.
Xa sabedes que os podedes atopar neste blog, na pestana superior que se chama PDI.
A última incorporación é este material editado por GeoPlaneta e Acción Cultural Española, coa colaboración dos Ministerios de Asuntos Exteriores e Cooperación/AECID; e de Cultura e Deporte; ademais do Instituto Cervantes.
sábado, 6 de novembro de 2021
REMATA OUTUBRO: samaín, magosto, carreira, música...
Menudo fin de mes!!! Non faltou de nada!!
- FOTOS DE GRUPOS -
- EXPOSICIÓN DE CABAZAS -
As FAMILIAS superaron novamente todas as expectativas. Dá xenio ver como cada ano son quen de dar forma de cabaza ao noso PDI, e este curso non parecía sinxelo con "Dándolle voltas ao mundo". Pero aí están!!
- "EXTRA" de PACO NOGUEIRA -
Contamos cunha verdadeira festa grazas ao alumnado que no curso pasado estaba en 5º B de primaria.
Presentáronse a un concurso de CORRELINGUA cun vídeo sobre o noso idioma, e... GAÑARON!!
De premio, obtiveron unha actuación do gran PACO NOGUEIRA que compartiron coas outras aulas do seu nivel.
- CARREIRA DO MAGOSTO -
Coma (case) todos os anos celebramos a CARREIRA DO MAGOSTO, e aquí queda a proba de como os máis peques correron.
Todas as nenas e nenos de 4º, 5º e 6º de infantil fixeron o percorrido que deseñou o profe Jorge, e que ben o pasaron!
- PSICOMOTRICIDADE E SAMAÍN -
Que sexa Samaín non impide desenvolver as clases de xeito normal.
Así o quixemos amosar na clase de Psicomotricidade de 5º A de Infantil.
martes, 26 de outubro de 2021
24 de OUTUBRO. DÍA DAS BIBLIOTECAS.
Carola quixo convidar a todo o cole a festexar o Día das Bibliotecas, dun xeito moi particular...
Quere saber para que NECESITADES BIBLIOTECA... Así vai tomar boa nota de se ela ofrece na biblio o que vós queredes.
As respostas xa están chegando e Carola vai compartir nesta entrada.
As clases máis madrugadoras... 1º B, 6º B e 5º B de primaria. Moitas grazas pola vosa colaboración!!
domingo, 24 de outubro de 2021
E SE A VIAXE COMEZA POR UN PATIO LIMPO??
Menudo traballo fixeron as nenas e os nenos de 6º B de primaria!!
Moito e moi bó traballo!!
Pero que o seu traballo perdure depende de todas persoas que convivimos no cole.
Por se alguén non o entende, pode escoitar a súa mensaxe en GALEGO, CASTELÁN e INGLÉS. Se alguén non se dá por enterado... mal imos acabar.
PARABÉNS RAPAZAS E RAPACES E...
MOITAS GRAZAS!!
PDI deste curso: DÁNDOLLE VOLTAS AO MUNDO!!
Este curso IMOS DE VIAXE!!
Neste ano celébrase o V Centenario da PRIMEIRA VOLTA AO MUNDO. Por iso aproveitamos este tema para coller o noso mundo e darlle unhas cantas voltas.
- Acompañaremos a Fernão de Magalhães e a Juan Sebastián Elcano na súa viaxe.
- Coñeceremos a moitas das persoas que foron atopando polo seu camiño e, nalgún caso, melloraremos o xeito que relacionarnos con eses pobos.
- Investigaremos sobre moitas outras persoas que tamén emprenderon viaxes fantásticas.
- Saberemos da influencia desa e doutras viaxes no noso concello, A Estrada.
E moitas. moitísimas máis cousas que iremos descubrindo ao longo do curso.
Para saber máis deste proxecto, vai á pestana de PDI e pica na imaxe do proxecto deste ano.
Subscribirse a:
Publicacións (Atom)