6º B COMPARTE CONTOS para ESCOITAR e LER...

As nenas e nenos de 6º B non deixan de sorprendernos.

Agora toca pechar os ollos e deixarnos ir cos contos gravados por eles nas súas casas.


Se alguén quere pode acompañar a escoita coa lectura...

Imaxe de Kalandraka

O primeiro en chegar é o conto de   ROBERTO .

Trátase do conto "Rato Moi Alto e Rato Moi Baixo" do libro "Contos de ratiños" de Arnold Lobel.

RATO MOI ALTO E RATO MOI BAIXO

Había unha vez un rato moi alto e un rato moi baixo que eran grandes amigos. Cando se atopaban Rato moi alto dicía:

-Ola, Rato moi baixo!

E Rato moi baixo dicía:

-Ola Rato moi alto!

Os dous amigos ían pasear xuntos moitas veces.

Cando paseaban, Rato moi alto dicía:  Ler máis »

-Ola paxaros!

E Rato moi baixo dicía:

-Ola formigas.!

Cando pasaban por un xardín, Rato moi alto dicía:

-Ola flores!

E Rato moi baixo dicía:

-Ola raíces!

Cando paseaban por diante dunha casa, Rato moi alto dicía:

-Ola tellado!

E Rato moi baixo dicía:

-Ola soto.

Un día colleunos unha treboada.

Rato moi alto dixo:

-Ola pingas de chuvia!

E Rato moi baixo dixo:

-Ola, pozas!

Correron ata a casa para abrigarse.

-Ola teito! -dixo Rato moi alto.

-Ola chan! – dixo Rato moi baixo.

Pronto pasou a treboada. Os dous amigos foron ata a ventá.

Rato moi alto upou a Rato moi baixo para que puidese ver.

-Ola arco da vella! Dixeron os dous xuntos.

E seguiron sendo amigos toda a vida.

E colorín, colorado. Conto rematado.